“塞翁失馬，焉知非福”的晚上

昨夜唔知做乜野，成班朋友仔突然好想去唱ｋ；因為星期六既關係，已經冇房可以俾我地盡。當時真係好失望；過咗12號個個朋友仔都要返學，之後都冇時間可以約埋出去玩了！

之後，我地去咗Shiel’s home 打麻雀。

本來係去睇孫燕姿既演唱會，不過最後玩到眼仔矇矇咁（已經凌晨3：30），食咗個麵就返屋企。（係加咗芝士架，好味道！）

雖然達唔到我地最初既目的（唱ｋ），但係就好似Cac 咁講：“唔去咪算囉，個個都可以慳返幾十蚊。”咁又係既，呢個新年成日去玩，真係洗咗唔少銀兩；而且又可以健健康康，唔使逼住飲酒或汽水。