“施丹事件”的後果

前排前聞一則又一則既“施丹事件”，令到一向唔關心足球界既我都知道事件既來龍去脈。好多人都原諒佢既“失常行為”；小朋友更加以佢為榜樣．．．

昨夜經何西灣既時候，聽到以下既對話：
人物：母親，拖住小兒，大兒（約12歲）自己行
大兒：係佢唔啱先架，我先咁樣做之嘛！
母親：撩是鬥非。
大兒：咩呀？好似施丹咁咋嘛！人地撩佢一次，佢唔理人地；人地撩佢第二次，佢先用個頭撞返佢。我都好似施丹咁，佢（應該係同佢嘈果個人）第一次撩我，我都冇理佢，佢再撩我，我先用個頭撞返佢．．．

當時心有一個諗法：唉．．．都是施丹惹的禍？

發脾氣！

“有言在先：既然你地都唔體諒我，我唔會再處處遷就你地！”

最近msn改咗呢個名；幾乎每個人都會問：
“做乜咁激，改個咁既名？”
“邊個激嬲你，搞到你咁興？”．．．

唔通係我對朋友太忍讓，令佢地覺得我唔敢發脾氣？

以後．我只會做我自己應該做既野，再額外既野我唔會再幫你地做；有問題你地就自己去解決！反正你地都只係當我係“傭人”咁使；係你地唔尊重我先，我亦無須禮待你地！

最後一次通碟已經出咗，我唔會再忍你地！

鍾意睇腳指？

天氣酷熱，有時連對靚靚既All Star都唔想著出街；
想腳指可以通下氣，就唯有著下“露指涼鞋”。

我既腳指同個靚字無緣，但不唔介意show出來，因為只要腳指係乾乾淨淨就ok；而且邊有人會睇自己既腳指喎。However，原來我既諗法係完全錯架！

Janet話，男仔鍾意睇腳指。
真係估唔到，原來男仔係有ｄ咁既怪癖；好驚驚．．．><"

自從知道呢樣野之後，每當我想著涼鞋既時候，都要三思．．．

發現新大陸

最近發現一個唔錯既網址，係介紹澳門既食點；我覺得入面既推介都好正！
不過最緊要既係佢地既評論都幾可信。
如果去開既地方都食到悶悶地，不如試下搵唔搵到新刺激？

http://www.foodidea.net

「捐血救人，你我同行」

終於達成多日來既心願了

當日第一次捐血係係“成人宣誓日”，呢件就係我18歲第一樣想做既野

雖然唔知自己既血可否被用；但漸漸「捐血」對我來講，成為一種“責任”

我係一個健康既人，應該無私咁為一ｄ有需要既人奉獻一下

捐血救人，你我同行

INTERVIEW

今日可謂是放假以來最有意思既一天！

分別到：
皇朝Interview，係Wynn既greater工作；Wynn既員工都好有禮貌，都頗有工作效率；我諗係入面做野既話，都會幾開心。

氹仔賽馬會Apply+Interview；呢個係Chris係報紙睇到，跟住打電話話我知既。係出面安排我地貼面同埋面試既員工唔係咁好“老皮”，可能係講既野重覆又重覆既關係啦~ 不過同我Interview既哥哥仔就好nice，同佢都傾咗幾耐下。

原本打算去金沙（皇朝辦公室）交埋申請表，不過Ken話：如果俾佢家姐交既話，可以直接交上人事部。所以，我最後拜託Ken's sister了．．．

其實三分工都想做，因為學到唔同既野嘛！
However，而家都係等消息中．．．

遊戲時遊戲

以前經常搞活動，Shiel同我通常都係「搞手」。
係參加者既支持之下，幾乎每次既活動都好成功；
然而對於我自己來講，有一樣野我係好唔滿意。

係參加者當中，經常都會有一ｄ滋事分子；例如係係大家玩得好開心既時候，自己會走埋一邊唔出聲，叫佢一齊Enjoy我地，就話唔舒服；又唔肯食藥。又例如，大家玩得開開心心，自己成場都係度黑口黑面，問佢乜事又唔講，真係唔知佢想點。例如．．．

可能有人會話我唔識體諒佢地，但將心比己；如果下一次搞活動既人係你地，我出現咁既情況，唔該你地自己諗下之前自己先！

Shiel成日都話我硬頸，唔聽人講野；其實換句話來講，只係我幼稚，唔夠成熟。