樓上的家庭暴力（可怕！！）

難得有時間可以坐係電腦前面，突然聽到一連串既“說話”；
樓上既男主人叫個女主人跪低（唔知點解），個女主人喊住咁叫唔好；
同埋一ｄ好奇怪既“撞擊”聽，好似係一舊野撞落地咁。

因為我越聽越驚，就走出廳話俾爸爸知；
原來佢地之前係凌晨時分都已經聽到有到有人嘈，但佢地以為係樓下。
跟住佢走咗出門口睇下，佢見到女主人成身有瘀傷；為免有“搞出人命”，爸爸偷偷地報咗驚。

之後有兩個警察來咗（當然爸爸冇出面），佢地同個女主人講：“你可以同我地去驗傷，如果真係驗到你既傷係俾人‘施虐’既話，你可以告個男主人。”

女主人：“就算真係驗到，同佢離咗婚，佢（男主人）都唔會放過我。”

估唔到 Janet 口中好“斯文”同“禮貌”既男主人，竟然係一個會虐待女主人既人。 而且聽講係個男人包二奶，但係就打大婆。（汗．．．）