聖誕節有咩好去處，相信好多人都同我地一樣
離開澳門一下；我地決定去長隆歡樂世界
23/12 開始出發，直接到目的地
第一站：由拱北坐直通車到番禺，不過落車地點同目的地仲相差一段路
縱使我地早知道要轉車，但身處一個咁荒蕪既地方，真係好徬徨
等左一陣，我地終於上到的士了
今次係6人行，的士只可以坐5個；最後Shiel同我地坐車位
即使唔會遇到熟人，但當時我覺得真係好醜怪；所以係的士上全程既5分鐘，我都一直用雙手蒙住面，唔好俾路人見到自己個樣樣
終於到達樂園了~
我地買「長隆歡樂世界+長隆大馬戲」
首先玩一番機動遊戲先啦~
之後去睇馬戲團，我地當中有4個人都係第一次睇馬戲團
好好玩，好好睇，好精彩；真係值回票價！
仲有第一次去4D Cinema，好得意
不過大家既回應都係：可唔可以唔好篤背脊？
夜晚要走既時候，雨開始越落越大；我地坐麵包車去番禺車站
大家都好擔心會俾佢賣豬仔／打劫，唯有自我安慰，我地6：1
到車站發現，到中山石岐尾班車已經開左；個阿嬏建議我地先坐車去小欖
再轉車到中山石岐；馬死落地行，唯有買車票
經過呢程車後，我地以後都唔想再聽／見到小欖呢個名
雖然係車上好安全，但過程真係令我地好不愉快
到小欖後，坐一個可信任既私家車（Shiel's father介紹的）到三鄉雅居樂
返到去五星級的家既時候，已經23:00了
放低所有行裝係屋企先，跟住去食打邊爐；終於可以暖暖個胃仔了
Man兩口子先訓覺，因為輝輝第日仲要返澳門返工
Ken，雞雞，Shiel同我，4人繼續玩，玩咩？
我既CHRISTMAS GIFT→電子大富翁
