Look down upon YOU！

唔好話香港人一定係好有教養，好有禮貌；
遇到自己唔順心既事，態度比起國內既人仲要差！

呢兩日有唔少香港客來入住Wynn；可能還係生手，
有唔少跟碼頭線既同事要捱鬧，所以都唔願意再上碼頭既Shuttle bus。

中午時分，碼頭有好多客人；巴士一開門，個個都爭先恐後迫上車（情況比關閘線混亂十倍）。有一個上唔到車既香港女人，（由上唔到車→等下一班車→直到佢上咗車）不停咁係度嬲我同司機，仲記得咗司機同我個名，誓要complain。 好！就俾你記咗我個名，我唔怕你！！
無論當時既佢係打扮得有幾高尚，佢既表現就如潑婦罵街一樣。
面係人俾，架係自己丟！

由於人大多，我自作主將留咗係碼頭清理客人；所以我一直都係等俾佢鬧。
佢一直咁問：「我地係book咗房既客人，點解唔係優先上車？」
「唔好意思，車上已經冇位，只可以等下一班車；而且我已經call咗 greater叫站長加車。」（如果叫冇book房既乘客落車，邊有人會理你呀？）

當時有另一個香港女仔一直係度睇住，上車既時候佢同我講：你返到公司一定要講清楚，如果唔係就會俾上司鬧。（呢一句支持，我真係好開心！）

心有無限既委屈，但我同自己講，我唔會係你呢個潑婦面前流眼淚，咁係軟弱既態度！直到返到Wynn見到Ivan，情緒就有點失控了。最後我冇同佢地講發生乜事，不過佢地都知道港澳碼頭線係唔易做。