神秘之旅

年初二，同屋企人到咗→平沙．神秘島。
雖然入場費係有少少昂貴，不過係包玩“機動遊戲”；而且係比“圓明園”超值。

入面好靚，地方都唔係好大；但麻雀雖小，五臟俱全。 入面有一般多既機動遊戲，雖然玩既維持性時間唔長， 不過依然可以滿足小朋友玩既心情。

我玩咗四個遊戲：“驚濤駭浪”、“過山車”、“海盜船”及“沖浪”。

驚濤駭浪：雖然睇人地玩好似冇乜咁，但自己坐到上去，就係另一種心情；其實都有少少驚，坐完都有少少搭完車既feel。

過山車：只有Cynthia 願意陪我去玩（真係好感謝你）；坐都上去真係好驚，速度好快；真係驚到叫唔出聲。下次有機會再玩，真係諗過先。

海盜船：好好玩！個遊戲唔會好驚，不過我地個個玩到尖叫（其實係特登亂叫，但都係忍唔住不斷咁笑）；要叫下先至好玩架嘛！搞到身邊既人都一定跟住叫，有ｄ人會睇住我地笑，不過有人真係以為我地好驚先係度叫。

沖浪：呢個係最好玩！由上沖而家果兩下都有少少離心力，沖到落去好多浪花沖埋我地度；雖然著咗雨衣都仲有少少濕，不過真係好好玩！

如果有機會，同朋友仔一齊去玩都唔錯；不過有少少遠，坐車都要坐差唔多一個鐘。

拜年拜年又拜年...

新年又到，大家都會去拜年或者俾人拜年。

拜年就係：大人互相噓寒問暖一番，然後一直吹水吹到晚飯；
小朋友收紅包之餘，可以搗亂別人屋企。

但唔知點解，拜年既人要買一份禮物去，（呢個都係可以理解。）
但係受訪者會封返紅包俾對方，意思係“回禮”。
咁樣一來一回，唔可以計邊一個賺或虧；但俾人既感覺就好似怪怪咁。
其實大家都係想探下親朋好友，卻因為“禮節”而破費咗唔少。

令到超級市場係年頭年尾有剎時既“豬籠入水”；
一直都滯銷既曲奇餅仍然有生存既機會；
又貴又唔抵既朱古力都受到“精明眼既師奶”垂青．．．

點都好，小朋友就係最得益，最開心既人；
而家我仲可以列入“小朋友名單”之中，所以都唔會點樣埋怨呢ｄ“規定”！

新年快樂啦！

自我享受樂趣

昨夜同朋友仔們去唱ｋ，由夜晚一直瘋狂到凌晨，直到店子打烊，掌管趕我地走為止；唱得越來越興奮既朋友仔先肯放低隻咪，依依不捨咁離開。
之後餘下仲支持得住既１０個人，就去咗筷子基區飲早茶；哈哈，真係連我自己都覺得真少少瘋狂！

當我地仲係ｋ場入面，有個朋友仔帶咗一個陌生人到場；（陌生人＝冇人識佢，除咗帶佢到場既朋友仔。）其他人顯得好唔開心，因為出現咗一個“客人”；我諗佢地個悶樣係表示對陌生人既抗議。但係佢地兩個人玩得好開心，好似旁若無人。但試問又點可以開聲叫人帶佢走呢？

其實又何需介懷其他人呢？
如果對方真係有心要搞到我地唔開心，俾佢見到我地個個都係咁既樣，咪俾佢得逞？反而我地玩得仲開心過佢，但又唔同佢玩，係唔係一個最好既“報服方法”呢？（我知道咁樣樣諗係好小朋友．．．）

我覺得今次睇到兩個好大方既人：Fiona 同 Vicent
因為佢地全程都係投入自己玩自己，冇乜點理“客人”；（除咗佢 somking 既時候。）而有ｄ朋友仔佢地一直都掛住唱歌，自己玩；其實我地真係唔應該俾任何人影響到自己玩既心情！

傳宗接代係咪真係咁重要？

前兩日同朋友仔行街，去咗一間鞋店睇鞋仔。
（順帶一提，大家唔好係年頭新鞋仔，唔好意頭架。）
見到一對母子係度睇鞋仔，
仔仔拎住隻“粉紅色＋白色”既波鞋，講笑咁問佢媽：“呢款好唔好？”
母親（好認真既語氣）：“衰仔，你俾錢我，我都唔想你著呢對咁既鞋！”

其實而家同性戀都係 “普遍”既事情；（不過唔代表我支持ｏｒ認同。）
唔係一定要個個男士都娶老婆，再生幾個傳宗接代；
佢地可以係唔娶唔嫁，又或者可以係同性戀既。

何別咁守舊，咁睇唔開呢？
如果老人家們都可以睇開ｄ，可能都唔會出現咁多“戲劇性”既野；
好似係突然“心臟病發”ｏｒ“中風”等等；然後分財產。

不過如果人人都咁ｉｎ，電視劇就可能會冇乜題材。

對住咁既人，應該咩態度應對？

一個人，佢個日成日都話當你係好朋友，
你地既感情唔會因為任何既野而變質；
加上個樣識得扮野，俾多兩分緊張表情。
講得真係幾好聽既，到最後咪又係另一回事！

初時仲要扮到對你好好，過多次幾，對住你好似見鬼咁；
我唔知道你咁樣做係想博咩呀？
我亦都唔知道：
你到底將 “你的淒涼故事”講咗俾幾多個人聽；
如果你既目的都係想其他人同情你，一致認為我係最衰既人啫，
咪直接講出來，等我同你反晒面，咁你咪最可憐囉！

你真係好假呀！
我會唔再相信你講既任何說話。

如果真係會咁緊張對方係咪你既朋友，唔該，我覺得唔係齋講囉。

我會懷疑自己...

有時候，我會懷疑自己：到底是否一個重感情的人。

雖然，我會對自己的朋友仔們很好，很多時候都會先站在他們的角度，
以第一身來為他們想；其實可能這樣做，給別人的感覺會很“多事”。
只有對朋友（或家人），我才會如此的做。

我是一個要求相對的人；
我希望自己怎麼對待別人，別人也如此的對待我。
但我知道這方面是永遠無法可以平衡得到。
而且自己也是一個“敏感”又“主觀”的人，自己認為是對的，就是事實。

而且，現在我們都各自分散在不同的地理位置，
一直維持親密的友誼關係，並非一件容易的事。

當朋友仔們稍有表現出一點點的不合群，我就會想很多；
是否我們的聚會安排得有問題？
是否他們不想再跟我們聚在一起？
也許他們變了，不再是以前的他們；
也許他們一開始就不想參加．．．．．．

每當知道朋友仔們出現異樣的原因，我就會覺得自己想得他們太壞了。
如果真的是好朋友，就該知道他們的心；
如果真的是好朋友，就會重視彼此的感情；
如果真的是好朋友，就不會懷疑任何的事情。

到底我是否一個重感情的人呢？

讓人感到可恥的...

其實，我都可以話係關閘過關的常客；
但請注意：
我只係會成日去拱北食野，有時會行下街買下野；
絕對唔係「車仔黨」。（我諗識我的人都會明白乜叫“車仔黨”）

每次當我搭巴士的時候，
都會見到一個只有澳門經常都會有的現象→就係上巴士唔排隊，
見有車來到就即刻「打尖」。
通常會做出呢種行為的人，都係「師奶級的阿姨」或者係「中年的阿叔」，有時會係「好惡的阿婆」；唔知係唔係因為佢地覺得自己的年齡有咁上下，認為我地呢ｄ做細的年青人，要尊敬下佢地，讓佢地「打尖」。

坦白講句，我唔介意人多，亦唔會介意有位坐；
只係唔鍾意見到呢ｄ似老賣老的人。
我覺得Janet講呢句話好啱聽：「年紀大唔使排隊咩？」

不過，我估係其他人眼中，會覺得我（地）好惡，好似一個年青人讓ｄ“老人家”行先都唔得；（因為有時候，我地會大聲咁講：如果真係老到行唔到，佢地點解咁有衝勁去同守規的人爭鬥呢？）

如果俾香港或者係外國遊客見到，你地估下佢地會點睇澳門人呢？我自己會覺得有點“可恥”；一個都可以稱得上為「旅遊城市」既地方既居民，竟然公民意識係咁差...

九個葬禮＝一個婚禮？

曾經有聽過一句話：「九個葬禮等於一個婚禮」；
但我已經唔記得係邊度聽返來；
可能係書上、電影中、又或… （已經唔知道了…）

上星期日（2006年1月15日），我參加咗一個婚禮party。
新婚夫婦係基督徒，係香港相識、結婚；
之後會係澳門定居，因為佢地要做傳教士。

同場上，亦有另一對結咗婚未夠半年既夫婦。

見到佢地既關係唔同咗，但係依然咁恩愛，真係睇到都開心！

如果真係九個葬禮等於一個婚禮，
2005下半年咁多人結婚，即係話，果時有好多人都“香咗”？

咁冇根據既說話，都唔知邊個創作；
點都好，結婚應該係一件開心，直得恭喜既事嘛！

希望佢地會享受自己既婚姻生活，一直白頭到老。

我家可愛的小貓們

大家都知道我家係有養貓貓的； 但唔知大家又知唔知道，

係2005年12月19日， 我家多了兩位新成員→兩隻初生的貓貓 ...

在開心的背後係有一段傷心的故事， 我仍然唔可以輕易忘懷；

當中有過傷心，有過憤怒的。

雖然事件已經成為過去， 但一個人生的「交叉點」，

誰又可以完完全全拋諸腦後？
（可能係講得嚴重了~）

「不言，並非我不知道；不提，並非我願意受。」
是我之前寫過的話，正好能表達我現在的心情。

好吧！唔好講唔開心的事情。

好想同你地分享一下，我家的貓貓們，今日特地同她們影了相；

我想睇到相之後，你地都會好渴望自己會有一隻貓貓（或者係寵物）。

　　　　　　　　　左邊係卓卓(何卓藍)＆右邊係牧牧(何牧藍)

唉... 想當初貓仔還係好小好小的時候，
佢地還未識爬、還未開眼仔；只係識食奶，成日跟住貓貓媽咪，幾可愛！

但係... 今日去見佢地的時候，已經長大咗好多。
佢地兩隻貓貓到處走，真係坐都坐唔定，周圍爬；
而且仲打架仔... 有相為證！

其實我很不成熟又衝動...

昨日問屋企人：
如果一個人因為別人睇小
然後為了爭一啖氣，而努力做到別人認為自己做唔到的事
呢一個人應該點去容易？
（唔知點解，我想了好耐，都記唔起點樣講至係...）

其實我覺得自己係呢一種人
因為我係非常在意別人的眼光
我要證明自己，要其他睇小我的人肯定我！

其實呢種態度係...
好高傲←自視過高；
好幼稚←好似小朋友咁斤斤計較；
好無聊←人地只係講下，需要咁樣樣做嗎？

記得有一次，大概係上年的新年期間… （係咪好好記性呢？）
我同一個人（已經唔記得係邊一個，甚至係男or女）
沿大三巴石仔路向白鴿巢方向歸家的時候

突然收到一個陌生號碼的電話
正常來講，就算係唔識既電話號碼，我都會接
當我接了電話，對方冇出聲，hold 一陣之後，佢就收線
咁我咪好少少火，好似打電話來玩咁~
跟住我好衝動咁打電話返過去（對方有來電）

目的係：
想鬧佢，做乜打電話來唔出聲又收線
如果佢係打錯，佢可以講聲先收線，但係佢最後都冇接返我個電話

我同屋企人講返
佢地話我的行為有少少幼稚...
哈哈... 其實我都覺得係...

寄生者言...

曾經看過一本蔡智恆的書，書名是《檞寄生》。
書裡面提一種植物叫檞寄生；這種植物要依附在別的植物才能生存。意思是：它們在吸收其他植物上的營養來維持自己的生命，不然的話就會乾枯而死。

我覺得，由人初生開始，我們就是檞寄生這種植物。
我們要依賴父母才能生存；但我們沒可能一直在他們身上吸取養分。所以，在少年時期的我們由陸上走進水裡, 成為「寄居蟹」。

寄居蟹之所以會選擇寄居，是因為它們沒有能力自給自足，所以需要在寄人籬下的方式生活。
顯然地，寄居蟹沒有檞寄生那麼吃香。

寄居蟹不可以有太多的要求，給它們找到了「寄居的殼」，就只能住。
不管裡面有多少的雜物，不管有多少的不愉快，不管有多少的不願意；也要一直藏在心裡，不可以爆發。
無論是多了一個你不想見的人，少了一個你愛的人，或是一直維持原狀，讓你有想離開的念頭；也只能夠憑空想像。
此時此刻，能選擇的：就是一直待下去，直到有一天能夠擁有自己的空間!

雖然寄居的一直沒有開口表達自己的心聲，當有機會讓它們獨立的時候，這樣的環境能夠助它們有果斷的決定。

其實，到底是誰的無情呢?


譯：
檞寄生 Mistletoe
被人們視為避邪物的檞寄生，可以用來助孕、避雷；掛在房內能抵擋惡運、火災和巫術；掛在門口則可以阻止巫婆登堂入室。
檞寄生曾被視為萬靈藥，除了可增進生殖力和治療羊癲瘋外，非洲瓦洛斯人在打仗前也會配戴以避免受傷；奧地利人將檞寄生放在門檻上以防止作惡夢；英國威爾斯人將它放在枕頭下以作夢占卜；瑞典人則用檞寄生作成尋找黃金礦脈的探測棒。
在提洛爾一帶(奧地利和義大利相鄰處) ，流傳檞寄生能使人隱形的說法。

一個月亮的故事...

突然想起一個關於月亮的故事...

在很久很久以前, 我跟月亮有一個約定:
我的心, 只屬於月亮...
愛, 只能愛他; 想, 只能想他...
我真的堅守這個約定~
其實, 我才是自己的月亮~
一個人的月亮~

每個人都有他的心中的月亮
曾經的月亮一直在相隣的海岸
我們不能碰觸彼此, 因為我不能夠攀月
我們不能經常相遇, 因為月有陰情圓缺
我們不能表白愛意, 因為我們承諾約定

漸漸...
我們也逃不過時間的洗禮
我們不再時彼此心中的月亮
時間, 距離, 讓我們的心靈不斷拉開
密雲, 濃霧, 讓我們的心眼看不到對方

我和月亮的約定, 讓時間見證著我們的解約...